Sunday, 11 February 2018 00:00

Dola za Kitaifa: ni Urithi wa Makafiri wakoloni, Vita dhidi ya Uislamu na Chanzo cha mgawaniko kwa Ummah

 
بِسمِ اللَّهِ الرَّحْمَـٰنِ الرَّحِيمِ

Dola za Kitaifa: ni Urithi wa Makafiri wakoloni, Vita dhidi ya Uislamu na Chanzo cha mgawanyiko kwa Ummah.

Dola ya Khilafah: ni Urithi wa Unabii na kiunganishi cha Waislamu wote.

Kwa miaka sitini na mbili mfululizo, tumekuwa tukiadhimisha sherehe za kila mwaka kwa kinachoitwa ‘Siku ya Uhuru’ ikinadiwa kuwa ni siku ya tukio kubwa la furaha ! Dhamira ya sherehe hizo ni kwa kuasisiwa kwa dola ya kitaifa. Lazima tudadisi kwa undani juu ya dhana hii ya dola la kitaifa. Tujue nani kaunda dola hiyo na kwa lengo gani?

Mtume (SAAW) alihajiri kutoka Makka kwenda Madina na kuasisi dola ya mwanzo juu ya msingi wa Wahyi,  dola iliyoundwa juu ya mfumo thabiti wa Kiislamu.  Ilikuwa ni jamii ya kwanza ya Kiislamu ambapo Uislamu ulitabikishwa na kuenezwa  ulimwenguni kote. Katika hali hiyo vita baina ya haq na batil vikashtadi mpaka maadui wa kikafiri wa kimagharibi wakadiriki baada ya karne kumi na tatu kuiangusha dola ya Kiislamu ya  Khilafah, dola iliyowaunganisha Waislamu wote, na badala yake,  juu ya mabakibaki yake wakaunda vijidoladola dhaifu kwa mujibu wa Mkataba wa Sykes-Picot  uliofikiwa  Mei 9, 1916 (Sykes-Picot  ni mawaziri wawili wa kigeni wa Uingereza na Ufaransa) na mikataba mingine iliyokuja kuchora ramani za kuzigawanya  ardhi za Kiislamu, mikataba ambayo baadaye ilisababisha makafiri wa kimagharibi kuzikalia nchi hizo kijeshi kwa mabavu, kutengeneza kiwanda cha kuzalishia vibaraka na kuunda juu ya mgawanyiko walioleta vijidola vinavyoitwa vijidola  vya ki taifa !!

Kwa hiyo, ukweli uliopo ni kwamba dola ya Khilafah inayounganisha Waislamu ni urithi wa Unabii, ilhali dola ya kitaifa ambayo kila moja inatofautiana na kujiweka mbali na ulimwengu wa Kiislamu ni urithi wa kafiri mkoloni ambaye ni adui wa Waislamu. Kazi na majukumu ya dola za kitaifa zilizoasisiwa na  maadui makafiri ndani ya ulimwengu wa Kiislamu ni hizi zifuatazo:

Kwanza, kulinda mgawanyiko wa nchi za Waislamu kwa kulinda mipaka iliyowekwa na makafiri wakoloni. Tahamaki tumekata fungamano madhubuti la udugu wa Kiislamu, tumeaminishwa uongo wa adui kuwa sisi tumegawanyika , tumerudi zama za jahilia, na tumerudi  kule kule alikotutahadharisha Mtume wa Allah (SAAW), hatuna  tena ghera ya kusaidiana. Badala yake, tunapigana sisi kwa sisi kwa msingi wa mipaka iliyochorwa na wakoloni, yaani tumekuwa walinzi wa mgawanyiko wa Ummah!! Na ili kumakinisha mgawanyiko huo, kila kijinchi kina ‘siku yake ya kitaifa’ na bendera. Alama zinazowasilisha uwongo wa wazi !!!

Pili, dola hizi za kitaifa zimeundwa ili zidharau Sha'ria za Kiislamu si katika mfumo wake wa kisheria wala nidhamu zake. Aidha, dola hizi zinajiweka mbali na Uislamu kwa ukamilifu, katika nidhamu za kimaisha na sheria. Na badala yake zinatenda na kusimamia mambo kwa mujibu wa sheria za kitwaghuti , kwa sheria za ‘wengi wape’ katika sekta mbalimbali za kiserikali, na wala hazijali wala kubali masuala ya  wahyi wala nguvu ya ushahidi.

Hali inayosababisha  maisha ya dhiki na idhilali :

Allah ( SWT) anasema:

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ

Na atakaye jiepusha na mawaidha yangu, basi kwa yakini atapata maisha yenye dhiki, na Siku ya Kiyama tutamfufua hali ya kuwa kipofu.
(Twaha:124)

Tatu, dola hizi za kitaifa zinafanya kazi ya kuzuiya kurudi kwa utawala wa Kiislamu, kwa kisingizio cha "vita ya ugaidi"; yaani, vita dhidi ya Uislamu kama mfumo kamili wa maisha. ‘Ugaidi’, kulingana na taasisi zinazojishughulisha na masuala ya nchi za magharibi  (ikiwemo Rand Corporation), ni  kule kudai utekelezaji wa Sharia, kwa sababu wanatoa maana ya gaidi kuwa  ni Muislamu anayetaka utekelezaji wa sharia ya Kiislamu.

Nne, dola za kitaifa siku zote ni vijidola vilivyodhibitiwa na visivyojimudu kikamilifu, daima huwa viko chini ya ulinzi wa kudumu wa adui kafiri wa kimagharibi. Kwa hiyo, shirikisho hizo (vijinchi hivyo) za kitaifa daima hurejelea  matatizo yao kwa makafiri wa kimagharibi ambao huviburuza vijinchi hivyo ili kufikia maslahi yao, kurekebisha sheria zao, na kuingilia kati mambo yao yote kwa undani. Naibu Waziri wa Mambo ya Nje wa Marekani ambaye alitembelea Khartoum mnamo tarehe 16/11/2017, Ubalozi wa Marekani, katika taarifa ya tarehe 17/12/2017, na pia Mwakilishi wa Bunge la  Jumuiya ya Ulaya, aliyeondoka  Sudan tarehe 20/12 / 2017, wote hao wanaagiza marekebisho ya sheria za Sudan ili ziwafikiane na  sheria za kikafiri zinazoitwa za kimataifa. Aidha, Ujumbe wa IMF, uliotembelea Sudan mwezi huu, nao uliitaka serikali ya Sudan ishikamane kwa ukamilifu na mapendekezo ya kifedha, ambayo kiudhati huwadidimiza raia katika dimbwi la dhiki kwa kupanda gharama za bidhaa muhimu za  kimaisha na kuwaongezea tabu  juu ya tabu.

Tano: dola za kitaifa ni vijinchi vidogo vilivyomeguka kutoka nchi za Kiislamu bila ya amani, kamwe vijinchi hivyo haviwezi kujilinda yenyewe au ardhi yake, au kusimamia na kulinda maslahi ya watu wake. Hii ndiyo sababu iliyopelekea kujitenga kwa Kusini ya Sudan, na mikakati miovu ya mgawanyiko zaidi inafuatia, pia ndio sababu ya kusalimisha qadhia ya Bwawa la An-Nahdha ambalo linahatarisha maslahi nyeti mno na makubwa ya watu wa Misri na Sudan.

Enyi Waislamu:

Huu ndio uhalisia na ndio hali ilivyo kwa dola za kitaifa, kwazo hatujaonja ladha yoyote zaidi ya udhalili, kudamirika, kushindwa, maisha ya dhiki, na kuwa nyuma kimaendeleo miongoni mwa mataifa. Suluhisho la Ummah sasa ni suluhisho litakalotokana kwa kurudi kwenye urithi wa Unabii, kutokana na wahyi mtukufu na kwa kurejesha dola yake, dola ya Kiislamu, dola ya  Khilafah Rashidah juu ya njia ya Unabii. Dola itakayoinua bendera ya Mtume (SAAW) ya Al-U'qab juu, kuwaunganisha Waislamu, kuitabikisha/ kutekeleza Sharia ya Kiislamu, kuwashinda makafiri, na  kueneza nuru na uongofu wa Uislamu kwa walimwengu wote.

إِنَّ فِي هَـٰذَا لَبَلَاغًا لِّقَوْمٍ عَابِدِينَ

Hakika, katika hili [Qur'ani] ni taarifa kwa watu wanaoabudu"
(Al-Anbiya: 106)

(Makala iliyoandikwa kwa munasaba wa ‘Siku ya Uhuru’ Sudan)

13 Rabii’ Al-Akhir 1439 AH / 31.12.2017

Hizb ut Tahrir/ Wilayah Sudan

   

 

 

     
 
Read 1501 times
Top
We use cookies to improve our website. By continuing to use this website, you are giving consent to cookies being used. More details…